2. En oferenn, e gwirione(z),

Korf ha gwad Jezuz, Mab Doue, 

E-lec'h ar bara hag ar gwin, 

Aman dirazoun a welin.

***
3. Gant ar beleg e fell d'in-me 

Kinnig ivez an Oan-Doue

'Vit adori 'vel m'eo dleet 

An tri Ferson eus an Drinded.

***

4. Da drugarekaat an Aotrou 

'Vit kement a vadelezou, 

Warnoun ha war an holl skuilhet, 

Abaoe m'en deus krouet ar bed.

***

5. 'Vit goulenn pardon digantan 

Eus ar pez a zisplij d'ezan 

Ennoun hag en holl bec'herien : 

Ar pec'hejou, ar yenijenn.

***

6. 'Vit ma hado bemdez ennomp 

Grasou da grenvaat ae'hanomp 

Enep bon c'horf, an droukspered, 

Hag enep ar bed milliget.

***

7. Kinnig 'ran c'hoaz ar Sakrifis.

'Vit hon Mamm santel an Iliz, 

Ma trec'ho dre-holl er brezel 

Graet a bep tu d'an Aviel.

***

8. Bremasouden, ô ma Salver, 

E tiskennot war an Aoter; 

Kargit a feiz krenv ma ene, 

Ha ma c'halon a garante(z).

***

9. Ho pet sonj, c'houi Gwerc'hez Vari, 

Hoc'h eus e c'hanet 'vidomp-ni, 

Taolit 'ta warnan ha warno(u)n 

Eur sell a vamm, sell ar galon.

***