retour la page d'accueil

page 300

Pages 300, 301

*******

Eil devez warn-ugent a viz Ebrel

Sant Soter ha sant Kaus

Pabed ha merzerien

Soter a deuas er bed en Fondi, en kreiste an Itali; da varo ar pab Aniset, e pignas war Gador sant Per. Difenn a reas ouz al leanezed kregi gant o daouarn el listri hag el lienachou sakr ha kinnig ezans dirak an teriou.

Gourc'hemenn a reas d'an holl gristenien tostt ouz an dl zantel d'ar Yaou-Gamblid, nemet eun torfed bras bennak a virje oute.

En e amzer (174), an Otrou Doue a reas eur mirakl kaer war-lerc'h pedennou soudarded kristen aoa o serviji dindan urziou Mark-Aurel. An impalaer a oa en Hongri o stourm ouz ar varbared, Tomm bero e oa ha ne gaved ket eur banne dour da evan. Soudarded Rom ne oant ket evit pad ken gant ar zec'hed, hag e oant warnez bezan flastret gant o enebourien.

Mark-Aurel a c'hourc'hemennas pedi : ar baganed a huchas war o doueou; an doueou a oa ponner-gleo. Eur rejimant, ha ne oa ennan nemet kristenien, a 'n em dlas neuze d'an daoulin hag a bedas ar gwir Doue a greiz kalon. Raktal e savas koumoul; eur barr glao madelezus a gouezas war ar Romaned, epad ma oa an tan hag ar grizilh o tismantr arme ar varbared.

Ar burzud-ze ne zigoras ket daoulagad an impalaer, a reas brezel d'ar gristenien, muian m'hallas. Hen eo a lakas kurunen ar verzerenti war dl ar pab Soter (177).

Kaus (288-295), ganet en Dalmasi, goude bezan bet epad daouzek vla war Gador sant Per, a oe laket d'ar maro en amzer Dioklesian, d'an 22 a viz ebrel 295, hag e oe sebeliet en bered Kalist.

E gorf a oe dizoloet, er bla 1622, gant eur skrid ha peziou moneiz eus amzer Dioklesian.

----------------

KENTEL

An dilhad-oferennan hag al listri-zakr

En Testamant koz, Doue e-unan a oa en em garget da lavaret pens ober dilhad ar veleien; en Testamant neve, an Iliz a roas ive ne gourc'hemennou diwar o fenn, hag an dra-ze, adalek ar penn kentan.

Evit oferennan, ar beleg a gemer eul lienen-penn, en memor eus al lienen a c'holoas penn Hon Zalver, en ti Kaphas, pa c'houlenne ar zourdarded digantan : Krist, lavar d'imp piou a sko ganit ?

Ar gamps a zo en memor eus ar za wenn a oe gwisket d'Hon Zalver en ti Herodez.

Ar gouriz a zo en memor eus an ere a liammas Hon Zalver en liorz Jetsemani.

Ar manipul hag ar stol a zo eur skeuden eus ar chadennou a oe laket endro d'ezan goude e varnedigez.

Ar gazul a zo eur skeuden eus ar vantel ru a oe tlet war diskoa Hon Zalver, en ti Pilt, gant ar zoudarded; ar groaz zo war e gein a verk e groaz, hag ar peul a zo war an tu rk anezi, a verk an hini ma oe staget outan epad ma oad ouz e skourjezan.

Ar boned-kornek a verk galloud hag uhelder ar beleg.

Ar gwenn a verk al levenez, ar c'hlanded hag ar sklerijen; al liou-ze a ve kemeret da oueliou Hon Zalver, eienen al levenez, ar c'hlanded hag ar sklerijen; da oueliou ar Werc'hez, an le hag ar zent ha nnt ket merzerien.

Ar ru a verk ar gwad hag an tan, karante Doue hag an nesan; douget e ve da oueliou ar Spered-Santel, a c'houezas en hon eneou tn karante Doue; da oueliou ar verzerien. a skuilhas o gwad dre garante evit Jezuz-Krist; da oueliou ar Basion.

Ar gwer a verk au esperans, ar c'hoant d'en em gaout en bro ar vue a bado da viken; al liou-ze a ve douget da holl zulveziou ar bla ma ve grt enne an ofis eus ar zul.

Ar moug a verk ar hinijen hag a ve impliet epad an Azvent, ar C'hoareiz, ar Vijilou hag ar Pevare-Amzer.

An du a verk ar c'hanv hag a ve douget pa lavarer oferen an Anaon ha da Wener ar Groaz, evit diskouez ar glac'har hon deus da vezan staget Jezuz-Krist ouz ar groaz.

Evit oferennan, ar beleg a gemer c'hoaz ar c'halur, a dle bezan en aour, pe, da vihanan, en arc'hant alaouret an diabarz anezan.

Ar c'halur a zigas sonj eus ar c'halur c'houero a evas Jezuz-Krist betek ar berad di vezan, hag eus ar be elec'h ma oe laket e gorf goude e varo.

Ar golo-halur a verk ar men a stankas be Hon Zalver.

Ar bladen a zo eul lestr aour pe arc'hant alaouret evit digemer an hosti.

Al lienen-korf ep an hini a laker war an ter, dindan ar c'halur ha dindan an hosti; merkan ' ra al lienen a zervijas da zebelian korf Hon Zalver.

Al lienen-halur eo an hini a laker endro d'ar c'halur hag a zervij da zec'han anezan.

Ar pallen-kalur eo an tamm mezer, liou an dilhad-oferennan-all d'ezan, hag a c'holo ar c'halur hag ar bladen ark ha goude an oferen. An traou-all red d'ar beleg da gaout evit oferennan eo bara hep goell. gwin, dour ; eun torchouer da zec'han e zaouarn, hag eur c'hloc'h evit an hini a respont. Au treo-ze holl a zo red o c'haout ha pec'hed en deve ar beleg oc'h oferennan hep-e.

Ar bladen hag ar c'halur a zo listri sakr n'hall ket an dud fidel kregi enne; al lienen-korf hag al lienen-kalur a zo daou dra-all ha n'hall ket an dud fidel kregi enne kennebeut, eur wech ma vent bet impliet evit an oferen, ken na vent bet gwalc'het gant eun den konsakret da Zoue.

*******

geriadurig lexique

Evit komz diouzh al levr-se / pour discuter de cet ouvrage :

Academia Celtica