page 931

Page 931

*******

Sul war-lerc'h an Asansion

Pardon ha pelerinaj Itron-Varia-Glerin

en parouz Sant-Kleve

-------

En parouz Sant-Kleve, ar Werc'hez ha sant Kado o deus eur chapel brudet dre ar vro. Savet er XVI^et kantved gant an ôtrou du Bonrblanc, perc'hen maner Klerin, laket en gwerz gant ar Revolusion, prenet ha adprenet, e oe roet erfin da fabrik ar barouz gant an divezan perc'hen.

Daou bardon ar bla a ve grêt enni ; ar pardon bihan, de Lun-Fask, n'eo ket gwall darempredet ; kalz muioc'h eo ar pardon-all a ve grêt sul war-lerc'h an Asansion.

An de-ze, n'eo ket dibôt gwelet en Klerin pelerined betek eus Kerne.

Bezan zo eur c'hlenved, arwez Klerin, hag a ve pareet aman. Dont a rêr ive 'vit ar gouliou hag ar goriou ; ne dremen devez, kouls lavaret, na ve gwelet pelerined endro d'ar chapel, o pedi hag o kemer dour eus hini pe hini eus ar pemp feunteun a zo en he c'hichen hag a ra o hiboud hag o c'han endro d'ezi  'pad ar bla : feunteun ar Werc'hez, feunteun sant Kado, feunteun sant Eler, hini sant Bleaz ha hini sant Anton.

Itron-Varia-Glerin, pedet evidomp.

*******

Geriadurig lexique Evit komz diouzh al levr-se / pour discuter de cet ouvrage : Academia Celtica